Shefi i KB, Antonio Guterres kritika të rrepta vendeve që ‘injoruan’ këshillat e OBSH-së
Kreu i Kombeve të Bashkuara ka akuzuar dhe kritikuar disa vende për injorimin e këshillave të Organizatës Botërore të Shëndetit (OBSH) gjatë pandemisë koronavirus. Duke bërë thirrje për një “fund të krenarisë”, Antonio Guterres tha se pandemia duhet të shërbejë si një “thirrje zgjimi” për një botë që duhet të jetë më e bashkuar në përgjigjen e saj ndaj krizave.
Duke injoruar këshillat e OBSH-së, Sekretari i Përgjithshëm i KB tha që virusi është përhapur në vendet më të varfra, ku “mund të ketë efekte edhe më shkatërruese”.
Në një takim virtual të Asamblesë Botërore të Shëndetit të OBSH-së, Guterres tha: “Ne kemi parë të flitet për solidaritet, por shumë pak unitet në përgjigjen tonë ndaj COVID-19, vendet kanë ndjekur strategji të ndryshme, ndonjëherë kontradiktore dhe të gjithë ne po paguajmë një çmim të lartë për këtë. Shumë vende kanë injoruar rekomandimet e Organizatës Botërore të Shëndetit, si rezultat, virusi është përhapur në të gjithë botën dhe tani po shkon drejt vendeve jugore ku mund të ketë efekte edhe më shkatërruese dhe ne rrezikojmë shpërthime dhe valë të reja”.
Duke e quajtur OBSH “të pazëvendësueshëm”, ai këmbënguli se duheshin më shumë burime për të mbështetur vendet në zhvillim. “Ne jemi aq të fortë sa sistemet më të dobëta shëndetësore. Mbrojtja e botës në zhvillim nuk është çështje bamirësie ose bujarie, por një çështje vetë-interesi të ndriçuar,” tha ai.
Ka pasur më shumë se 316,000 vdekje të konfirmuara nga COVID-19 në të gjithë botën deri më tani, dhe një numër në rritje i infeksioneve në vendet në zhvillim. Dhe ai përsëriti thirrjen e tij për vendet e G20 të marrin në konsideratë një paketë stimulimi në shkallë të gjerë që do të arrijë në një “përqindje dyshifrore të PBB-së globale”.(Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.