Shefi i NATO-s: Aleanca do të mbrojë ‘çdo pëllëmbë’ të territorit të saj, ndërsa vendos samitin e ri!

Sekretari i Përgjithshëm i NATO-s Jens Stoltenberg thotë se sulmi i Rusisë ndaj Ukrainës ka shkatërruar paqen në Europë dhe ai u zotua se aleanca do të mbrojë “çdo pëllëmbë” të territorit të anëtarëve të saj. Stoltenberg ritheksoi angazhimin e aleancës ndaj nenit 5, i cili thotë se një sulm ndaj një anëtari përbën një sulm ndaj të gjithë anëtarëve.

Radarët e dëmtuar dhe pajisje të tjera janë parë në një strukturë ushtarake ukrainase jashtë Mariupolit më 24 shkurt. Ai tha se aleanca po aktivizon gjithashtu “planet e saj të mbrojtjes” për vendet aleate pas sulmit të Rusisë ndaj Ukrainës, e cila nuk është anëtare e NATO-s, por është në linjë me perëndimin.

Shefi i NATO-s tha se aleanca ushtarake perëndimore tashmë po forconte aftësitë e saj mbrojtëse dhe se kishte më shumë se 100 avionë luftarakë në gatishmëri të lartë për të mbrojtur hapësirën ajrore të anëtarëve. Stoltenberg kritikoi sulmin e Rusisë ndaj Ukrainës, duke thënë se ishte “një pushtim i qëllimshëm, gjakftohtë dhe i planifikuar prej kohësh”. Ai tha se “Rusia po përdor forcën në përpjekje për të rishkruar historinë”.

NATO filloi dërgimin e trupave shtesë në krahun e saj lindor pas pushtimit të mëparshëm të Rusisë në Ukrainë në vitin 2014, kur ajo pushtoi rajonin e Krimesë. Moska që atëherë ka mbështetur separatistët në Ukrainën lindore në një luftë të përgjakshme kundër qeverisë së Kievit. Më 11 shkurt, Presidenti i SHBA Joe Biden urdhëroi dislokimin e 3,000 ushtarëve të tjerë amerikanë në Poloni. Një deklaratë e Pentagonit tha se trupat do të bashkohen me rreth 1700 ushtarë që mbërritën në Poloni në fillim të muajit.

“Gjithsesi, ky personel i shtuar prej 5000 ushtarë përbëjnë një forcë shumë të lëvizshme dhe fleksibël, të aftë për misione të shumta. Ata janë duke u vendosur për të siguruar aleatët tanë të NATO-s, për të penguar çdo agresion të mundshëm kundër krahut lindor të NATO-s, për të trajnuar me forcat e vendit pritës dhe për të kontribuar në një gamë të gjerë të rastësive”, thuhet në deklaratën e Pentagonit. RTS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.