Shëndetësia abuzon me pacientët – Numrin më të lartë të gjobave për shkeljen e privatësisë
17 vendime me gjoba janë marrë në 8 muajt e parë të vitit nga Komisioneri për Mbrojtjen e të Dhënave Personale për subjektet që kanë abuzuar me privatësinë e qytetarëve. Nga vendimet, rezulton se spitalet dhe klinikat private janë shkelësit më të mëdhenj që mbledhin të dhëna personale dhe “shpërdorojnë” besimin e pacientëve duke mos i ruajtur ato siç duhet dhe siç përcakton ligji në fuqi.
Nga lista e subjekteve të gjobitura, vihet re se 8 prej vendimeve janë në fushën e mjekësisë, ku nuk përjashtohen edhe institucionet publike. Ndërsa po ashtu, janë ndëshkuar një sërë agjencish turistike, por edhe aktivitete me natyra të ndryshme që drejtohen nga persona fizikë.
Përgjithësisht sektorët më problematikë në shkeljen e privatësisë janë ai i call center, kompani turistike, kompani marketimi të drejtpërdrejtë si dhe kompani që janë kontraktuar për implementimin e projektit te adresave. Vlera gjobave të vendosura varion nga 20 mijë deri në 2 milion lekë. Gjatë vitit 2108, janë marrë 30 vendime në total.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.