Shenja të rimëkëmbjes në Kinë/ Eksportet rriten me normën më të madhe për këtë vit
Ekonomia kineze ka rifituar vrull në Korrik, ndërkohë që eksportet u rritën me normën më të madhe të këtij viti dhe disa importe të lëndëve të para shënuan nivele rekord të larta. Ekonomia po del gradualisht nga tkurrja rekord e tremujorit të parë, por rimëkëmbja qëndron ende e brishtë, pasi rastet e reja me koronavirus po rriten në të gjithë botën dhe rivendosja e masave të karantinës mund të godasë kërkesën.
Shpenzimet e konsumatorit kinez kanë qëndruar gjithashtu të ulëta prej humbjes së vendeve të punës dhe shqetësimeve për rishfaqjen e koronavirusit. Megjitahtë, performanca e eksporteve kineze nuk është ndikuar aq rëndë nga ngadalësimi botëror, ndërkohë që dhe shenjat e qëndrueshmërisë së ekonomisë së brendshme kanë ulur urgjencën e stimujve të mëtejshme. Eksportet në Korrik u rritën me 7.2% me bazë vjetore, që është norma më e madhe që prej Dhjetorit.
Importet, ranë me 1.4%, poshtë pritshmërive të analistëve për një rritje me 1%. Eksportet e produkteve të tekstilit, përfshirë maksat e fytyrës, u rritën me 31.3% në periudhën Janar- Korrik me bazë vjetore. Rritja e shitjeve të pajisjeve mjekësore mori gjithashtu vrull në 47.3%. Megjithatë, duke treguar shenja të stabilizimit të kërkesës botërore, eksportet e mallrave të tjera si pajisjet elektronike dhe telefona, treguan rritje.
Volumi i importeve të lëndëve të para industriale qëndroi i fortë, ndërsa importet e hekurit dhe bakrit shënuan nivel rekord.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.