Shënohet numri më i lartë i të infektuarve në vend me 90 të prekur – Humbin jetën 3 pacientë / Infektohet një foshnjë dy muajshe
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 362 qytetarë ku kanë rezultuar pozitiv 90 raste të reja, duke e çuar në 2751 numrin total të të infektuarve në të gjithë vendin.
Rastet e reja janë përkatësisht: 35 raste në Tiranë, 12 në Krujë, 10 raste në Kurbin, 8 raste në Vlorë, 6 raste në Shkodër, 4 në Përmet, 3 në Pogradec, nga 2 raste në Kukës, Lezhë, Kavajë dhe Lushnjë si dhe nga 1 rast në Kolonjë, Vau i Dejës, Kamëz dhe Durrës.
Aktualisht në dy spitalet Covid janë të shtruar 80 pacientë ku 8 prej tyre janë në terapi intensive dhe 1 në intubim, ndërsa rastet e tjera po monitorohen nga mjeku i familjes. Gjithashtu është konfirmuar dhe infektimi i një fëmije dy muajsh.
Ministria e Shëndetësisë ka njoftuar se gjatë 24 orëve të fundit kanë ndërruar jetë 3 pacientë të moshës 57, 65 dhe 76 vjeç, si pasojë e sëmundjeve të tjera shoqëruese.
Gjatë 24 orëve të fundit janë shëruar 33 pacientë, duke e çuar në 1592 numrin total të tyre dhe ka akoma 1088 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.