Shërbime pa barrierë – ADISA, akses edhe për grupet me aftësi të kufizuar
Lehtësimi i procedurave për biznesin dhe qytetarët nga ADISA tashmë është i ndjeshëm për të gjithë, pasi shumë shërbime po merren së fundmi online. Por për tu ardhur në ndihmë edhe personave më aftësi të kufizuar, ky institucion tashmë do të përdorë edhe shërbime të cilat të mos jenë vetëm me të shkruar, por edhe me audio. Gjatë prezantimit të këtyre shërbimeve pa barriere, gjatë një takimi me Organizatat e Shoqërisë Civile që përfaqësojnë personat me aftësi të kufizuara, Zëvëndëskryeministre Senida Mesi, u shpreh se këto shërbime pritët të ofrohen në të gjithë vendin duke bashkëpunuar edhe me Postën shqiptare.
“Nëse ofrohet infrastruktura e duhur, nëse kemi një shërbim me audio ose nëse kemi një shërbim me gjuhën breil edhe personat me aftësi të kufizuara që nuk dëgjojnë dhe nuk shikojnë mund të kryejnë edhe këto shërbime administrative dhe të pashoqëruar me persona të tjerë. Duke iu krijuar atyre edhe një indipendencë, edhe një pavarësi që për një procedurë administrative të kenë aksesin të trokasin vetë në dyert e shtetit dhe të marrin këto shërbime.”
Ndërsa perfaqësuesi i Delegacionit Europian në Tiranë, Stephen Stork kërkoi përfshirje më të madhe të shoqërisë civile, si një faktor i rëndësishëm për integrimin e vendit.
“Politika me dyer të hapura është shumë e rëndësishme pasi dëgjesat nga shoqëria civile janë një prioritet edhe për BE. Duhet të përfshihen sa më shumë në debate, por edhe të japin kontributin e tyre në përmirësimin e këtyre shërbimeve për kategori të caktuara. Këto shërbime duhet të jenë të orientuara drejt qytetarëve dhe në shërbim të tyre. Integrimi europian nuk është vetëm për korridoret e rangut të lartë, por në të gjithë grupet shoqërore në nivel qendror dhe lokal. Ne do vazhdojmë të mbështesim Shqipërinë drejt integrimit europian dhe do te vazhdojmë të bëjmë dëgjesa me shoqërinë civile.”
Edhe pse ofrohen shërbime më të lehta për këtë kategori, u kërkua që krahas personave më aftësi fizike, të lehtësohen shërbimet edhe pë rata më aftësi mendore të kufizuar.
“Merret parasysh, fatkeqësisht, ose fatmirësisht për ta dhe fatkeqësisht për pjesën tonë vetëm elementët e aksesueshmërisë për aftësinë e kufizuar fizike. Kështu që ju lutem vëmendje në aspektin e aksesueshmërisë për informacion në radhë të parë dhe për shërbim dhe për aftësinë e kufizuar intelektuale. Është shumë me rëndësi kjo pjesë.”
ADISA tashmë ofron shërbimet në një sportel të vetëm në 5 qytete, ndërkohë që deri në fund të vitit pritet të hapen dhe dy të tjera, ndërsa deri në 2020 parashikohet të hapen 20 zyra të tilla.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.