Shërbimet e pagesave në Europë – BQE: Ofruesit europianë të konkurrojnë me kompani si PayPal
Anëtari i bordit të Bankës Qendrore Europiane, Yves Mersch, bëri thirrje për Europën që të zhvillojë shërbimin e pagesave me karta, që të konkurrojë me homologët ndërkombëtarë.
Duke theksuar mbizotërimin e kompanisë në Kaliforni, PayPal në pagesat online si dhe shërbimet e ofruara nga Alphabet, Apple, Facebook dhe Amazon, Mersch paralajmëroi se ofruesit europian si Girocard dhe Cartes Bancaire janë shumë të përqendruara brenda vendit të tyre.
“Varësia jonë ndaj skemave jo-europiane të kartave për pagesat e brendshme nuk është optimale. Gjigantët globalë jashtë Europës do të përdorin rrjetin e tyre për të shtuar prezencën në kontinent”, tha politikëbërësi i Bankës Qendrore Europiane.
Ai shtoi se bankat europiane i janë dorëzuar kuadrit të ashpër rregullator në Bashkimin Europian, që po shfrytëzohet nga kompani ndërkombëtare si Alibaba dhe Tencent. Anëtari i bordit të BQE theksoi gjithashtu rrezikun e kësaj varësie ndaj vendeve të treta, ndërkohë që presidenti Donald Trump ka kërcënuar me tarifa dhe tensionet mes SHBA dhe partnerëve tregtarë janë shtuar.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.