Shërbimet elektronike të portalit e-Albania – Nga nesër, në të gjitha zyrat postare

Të gjitha shërbimet elektronike që ofron portali e-Albania do të jenë të aksesueshme edhe në sportelet e Postës Shqiptare në të gjithë vendin.

Marrëveshja për kryerjen e këtyre shërbimeve do të nënshkruhet ditën e premte nga Posta Shqiptare dhe Agjencia Kombëtare e Shoqërisë në ambientet e Drejtorisë së Përgjithshme të Postës.

Ky shërbim synon rritjen e transparencës, reduktimin e kohës së marrjes së shërbimeve si dhe evitimin e burokracive të panevojshme.

“Portali e-Albania është tashmë i aksesueshem nga sportelistët e zyrave postare, me qëllim që qytetarët dhe bizneset të përfitojnë shërbimet elektronike të institucioneve publike të ofruara nga ky portal, pa shpenzuar kohë në zyrat e administratës si dhe duke evituar burokracitë e panevojshme. Posta Shqiptare e ofron këtë shërbim, pasi disponon rrjetin postar me shpërndarjen më të gjerë territoriale, infrastrukturën e nevojshme dhe stafin e trajnuar për t’iu përgjigjur në kohë dhe me efikasitet kërkesave të qytetarëve.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.