Shërbimi i ndryshimit të pronësisë së mjetit bëhet online! Përfitojnë ata që u figuron mjeti në emër të pronarit të vjetër
Për të gjithë qytetarët dhe subjektet juridike të cilët kanë shitur ose blerë një mjet, i cili ende figuron në emër të pronarit të vjetër, pasi blerësi nuk është paraqitur në sportelet e Drejtorive Rajonale të Shërbimeve të Transportit Rrugor (DRSHTRR) për ndryshimin e të dhënave të pronësisë në sistem, tashmë shërbimi është bërë on-line.
“Ju mund të aplikoni në faqen zyrtare www.dpshtrr.gov.al, formularin për verifikimin e statusit të pronësisë së mjetit. Pas aplikimit qëndroni në pritje të përgjigjes me e-mail, ku brenda ditës informoheni nëse është kryer kalimi ose jo në sistem. Nga data 15 Janar ky shërbim fillon të aplikohet edhe pranë sporteleve rajonale.(Pas datës 15 Janar) REZERVONI ONLINE takimin në sportel në Drejtoritë Rajonale Tiranë, Durrës, Elbasan dhe Fier në linkun: https://www.sporteli.dpshtrr.com/” njofton DPSHTRR.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.