Shërohen 1 mjek dhe 2 infermierë në Tiranë/ Për të 7 ditë me radhë, numri i të shëruarve është më i lartë se i të infektuarve aktivë
Një mjek dhe dy infermierë në Tiranë janë shëruar nga koronavirusi. Kjo ka rezultuar pas testit konfirmues në laboratorin e virologjisë në Institutin e Shëndetit Publik. Ata janë pjesë e 19 të shëruarve në 24 orët e fundit. Në këtë mënyrë, ka shkuar në 39 numri i personelit mjekësor të shëruar nga COVID-19.
“Për të shtatën ditë rradhazi, numri i të shëruarve është më i lartë se numri i të infektuarve aktivë” shkruan kryeministri.
Deri më tani, të shëruar nga COVID-19 janë 302 qytetarë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.