Shfrytëzimi i gazit nga qytetarët – Shuli: Ndërtimet e reja të jenë me instalime gazi, qeveria të miratojë detyrimet

Qeveria shqiptare nuk duhet të lejojë më ndërtime të reja pa instalimet e gazit, që do të mundësojnë shfrytëzimin e rrjetit të gazit Trans Adriatik nga konsumatorët familjarë”.

Anëtari i Bordit të Entit Rregullator të Energjisë, Maksim Shuli thotë se tashmë jemi të vonuar në këtë drejtim, duke kërkuar vendosjen e kushteve për ndërtuesit.

Punimet për ndërtimin e  gazsjellësit TransAdriatik po ecin sipas parashikimeve. Aktualisht ka përfunduar 84% e punimeve apo është bërë shtrirja e rrjetit në një gjatësi prej 214 km.

Ndërkohë që, në muajin mars pritet të nisin punime intensive edhe për shtrirjen e e rrjetit në det, ku thellësia maksimale arrin në 820 m. I gjithë projekti parashikohet të përfundojë në vitin 2020.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.