Shi dhe shtrëngata gjatë pasdites – Qarku ku intensiteti i reshjeve do të jetë më i lartë. Parashikimi për nesër sipas Gjeoshkencave
Reshjet e shiut do të vijojnë pasditen e sotme në të gjithë territorin e vendit, ndërkohë që në qarkun e Shkodrës reshjet do të jenë më intensive.
Kështu thuhet në njoftimin e fundit të Gjeoshkencave ku përshkruhet situata në të gjithë qarqet:
“Sot pasdite (e shtunë, dt.09) reshjet do të përfshijnë gjithë vendin dhe në qarkun e Shkodrës ato do të jenë edhe intensive. Reshjet do të shoqërohen me shtrëngata në qarqet e Shkodrës, Kukësit, Dibrës, Vlorës dhe Gjirokastrës.”
Ndërkohë ditën e nesërme reshjet priten kryesisht gjatë paradites, ndërkohë që intensiteti pritet të jetë më i ulët.
“Nesër (e diel, dt.10) pritet që të ketë reshje kryesisht paradite, me një intensitet i cili do të ulet ndjeshëm në të gjithë vendin (siç tregohet në tabelë, respektivisht për secilin qark). Priten reshje dëbore në zonat malore”.
TEMPERATURAT
Nesër (e diel, dt.10) temperaturat minimale dhe maksimale të ajrit pritet të arrijnë:
Në bregdet: 6 °C / 10 °C
Në vendet e ulëta: 5 °C / 9 °C
Në vendet malore: -3 °C / 5 °C.
ERA
Sot pasdite (e shtunë, dt.09) do të fryjë mesatare, ndërsa nesër (e diel, dt.10) do të dobësohet dhe do të fryjë e lehtë.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.