‘Shi në plazh’?! – SHMU publikon parashikimin e motit për këtë fundjavë
Shërbimi Meteorologjik Ushtarak informon se masat ajrore të paqëndrueshme do të vijojnë të jenë prezente mbi vendin tonë edhe gjatë fundjavës.
SHMU njofton se dita e Shtunë parashikohet me alternime kthjellimesh dhe vranësira, me reshje shiu të herëpashershme me intensitet të ulët në veriperëndim e pjesërisht në qendër të vendit ndërsa era do të fryjë nga juglindja- jugperëndimi me shpejtësi 1 deri në 8 m/sek, përgjatë vijës bregdetare kryesisht në jug do të fitojë shpejtësi deri në 12m/sek.
Sipas informacionit të publikuar dita e Diel do të jetë me vranësira dhe intervale kthjellimesh, me reshje shiu që në orët e para të 24-orëshit në veriperëndim e perëndim të cilat gradualisht do të shtrihen edhe në pjesën tjetër të vendit, hera-herës reshje në formë shtrëngatash kryesisht përgjatë Ultësirës Perëndimore ndërsa era do të fryjë nga veriperëndimi- jugperëndimi me shpejtësi 1 deri në 10 m/sek. SHMU bën me dije se në fushën termike nuk priten luhatje të ndjeshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.