Shifra në rritje të infeksioneve me Omicron në vend – Komiteti i Ekspertëve: Masat aktuale kufizuese janë të mjaftueshme

Në mbledhjen e radhës të Komitetit Teknik të Ekspertëve për situatën epidemiologjike në vendin tonë u theksua se aktualisht Shqipëria ka raportuar shifra në rritje të infeksioneve me Covid gjatë ditëve të fundit, ndikuar sigurisht nga përhapja e variantit shumë ngjitës “Omicron”.

Komiteti Teknik i Ekspertëve vlerësoi se masat aktuale kufizuese janë të mjaftueshme për të përballuar situatën shëndetësore në vend dhe ora policore do të vijojë të jetë nga 23:00 deri në 06:00, bëri me dije epidemiologia Mira Rakacolli.

“Kemi pasur shifra të larta të vaksinimit të kësaj jave me dozën e parë, rritje e dyfishtë, ndërgjegjësim më të lartë. Kemi arritur 52% të të vaksinuarve me dozën e parë, 47% me të dyja dozat dhe  7.7% me tre doza. Duhet më tepër, po të shikojmë shfrytëzimin e vaksinave duket se është maksimal”, u shpreh Silva Bino.

Sipas Rakacollit hyrja në vend do të vijojë të jetë e kontrolluar duke paraqitur green pass ose testin PCR 72 orë në kufi, ose testin e shpejtë 42 orë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.