Shifrat e INSTAT: Në janar-shtator 2017, hyrjet e shtetasve nga Kosova shënuan uljen më të madhe! Rritja më e lartë e hyrjeve nga Polonia
Në periudhën janar-shtator 2017 rezulton se Shqipëria ka njohur një rënie me 22.1 5 të hyrjeve nga Kosova. Referuar të dhënave të publikuara nga INSTAT, rezulton se nëntëmujorin e 2017, ndër dhjetë vendet që kanë hyrjet më të larta të shtetasve në Shqipëri, rritja më e madhe e hyrjeve ka ardhur nga Polonia me 65,6 %. Në listën e 10 vendeve me hyrjet më të larta, vetëm Kosova rezulton me rënie.
Ndërkohë në muajin shtator 2017, rezulton se ndër dhjetë vendet që kanë hyrjet më të larta të shtetasve në Shqipëri, ato nga Zvicra kanë pësuar rritjen më të madhe me 115,8 %, ndërsa uljen më të madhe e kanë patur shtetasit nga SHBA me 21,8 %.
E sa i përket lëvizjeve të shtetasve shqiptarë, rezulton se gjatë muajit shtator 2017 numri i shtetasve shqiptarë të dalë nga territori i Shqipërisë është 498.678. Krahasuar me Shtator 2016, ky numër është rritur 6,3 %. Numri i shtetasve shqiptarë të dalë nga territori i vendit tonë në nëntëmujorin e 2017 është 3.937.855, duke u rritur 5,6 %, krahasuar me të njëjtën periudhë të një viti më parë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.