Shifrat e tregtisë/ Shqipëria importoi 1.6 miliard lekë më shumë ushqime e pije në 6 muajt e parë të vitit
Gjatë 6 mujorit të parë të vitit (janar-qershor 2020), Shqipëria ka eksportuar rreth 1 miliard lekë më shumë ushqime, pije e duhan në krahasim me të njëjtën periudhë të një viti më parë.
Në janar-qershor 2020, Shqipëria eksportoi 18 miliardë e 496 milionë lekë nga ky grupmallrash ndërsa në të njëjtën periudhë të vitit të kaluar ka eksportuar 17 miliardë e 558 milionë lekë.
Sa i përket importeve, shifra është me e lartë këtë 6 mujor. Në janar-qershor 2020, Shqipëria importoi ushqime, pije e duhan në vlerën e 53 miliard e 922 milion lekëve. Në të njëjtën periudhë të një viti më parë, vlera e importit nga ky grup mallrash ishte 52 miliard e 314 milion lekë.
Me përjashtim të ushqimeve e pijeve, të gjithë grupmallrat e tjerë janë me rënie në vlerë në krahasim me një vit më parë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.