Shifrat/Janar 2018, Turqia në krye të listës së vendeve joanëtare të BE nga ku Shqipëria importoi më shumë mallra! Kalon Kinën
Gjatë muajit janar 2018, Shqipëria ka shënuar një rritje të ndjeshme të importeve nga Turqia, duke kaluar në shifër importet nga Kina.
Referuar të dhënave të INSTAT, Shqipëria importoi nga Turqia mallra në vlerë 3 miliard e 855 milion lekë, duke shënuar një rritje me 1.1 miliard lekë krahasuar me janarin e vitit 2017.
Ndryshe nga sa ka ndodhur me importet, eksportet e Shqipërisë në Turqi kanë shënuar një rënie me 3 milion lekë. Eksportet në janar 2018 ishin në vlerë 104 milion lekë, nga 107 milion lekë që ishin në janar 2017.
Ndërkohë, nga Kina Shqipëria ka importuar 3 miliard e 822 milion lekë mallra; 436 milion lekë më shumë se në janarin e vitit 2017. Nga vendet joanëtare të Bashkimit Europian, Turqia mban vendin e parë në listën e vendeve nga të cilat Shqipëria importon më shumë mallra.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.