Shifrat më të fundit për Italinë/ Shkon në 15 mijë numri i të prekurve, shtohen viktimat. Mosha mesatare e atyre që kanë humbur jetën, 80,3 vjeç

Nuk ndalet përhapja e COVID 19 në Itali. Në total, sipas bilancit të fundit të Mbrojtjes Civile që u bë publik nga komisari i posaçëm për emergjencën e koronavirusit Angelo Borrelli –janë 14 mijë e 955 të prekurit, 2 mijë e 116 më shumë se dje ndërsa numri i përgjithshëm it ë prekurve, përfshirë viktimat dhe të shëruarit është 17 mijë 660.

Ata që kanë humbur jetën janë 1 mijë e 266 persona. 250 prej tyre në një ditë të vetme. Mes atyre që kanë humbur jetën është edhe një 39 vjeçar me tumor dhe një tjetër me një tjetër me një serë problemesh të tjera shëndetësore. Në terapi intensive janë 1 mijë e 328 persona, 175 më shumë se një ditë më parë.

Borrelli ka bërë publike edhe numrin e të shëruarve: 1 mijë e 439 në total, 181 më shumë se një ditë më parë dhe detaje për të prekurit që aktualisht po përmirësohen: 7 mijë e 426 janë të shtruar me simptoma ndërsa 6 mijë e 201 në izolim shtëpiak.

Mosha mesatare e viktimave  80,3 vjeç

Të dhënat mbi mortalitetin, që kanë dalë pas analizave të kartelave klinike të atyre që kanë humbur jetën nxjerrin konkluzionin mosha mesatare e atyre që kanë humbur jetën është mbi 80 vjeç ndërsa 25,8% janë gra. Pra, kulmi i vdekshmërisë është mes 80-90 vjeç.

Burimi Ilsole24ore/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.