Shisnin mish kali me rrezik për shëndetin – Europol arreston grupin prej 66 personash
Guardia Civil spanjolle, në koordinim me Europol ka arritur në vërë në pranga një grup kriminal të organizuar që tregtonte në Europë mish kali, të papërshtatshëm për konsum njerëzor.
Aksioni u shtri edhe në Belgjikë, Francë, Itali, Portugali, Rumani, Zvicër dhe Britani. Në Spanjë, 65 njerëz u arrestuan dhe u akuzuar për krime si: abuzim me kafshët, falsifikim dokumentesh, pengesë e drejtësisë, krime kundër shëndetit publik, pastrim parash dhe të qenurit pjesë e një organizate kriminale.
Në verën e vitit të kaluar, shërbimi për mbrojtjen e mjedisit nisi operacionin Gazel, pasi vuri re një sjellje të dyshimtë në tregjet e mishit të kalit. Guardia Civil zbuloi një skemë mashtrimi ku kuaj në kushte të këqija therreshin në dy thertore të ndryshme.
Kafshët vinin nga Portugalia dhe nga vende të ndryshme në Spanjën veriore, ndërsa mishi i përpunuar në një fabrikë të veçantë dërgohej në Belgjikë, vend i cili është një nga eksportuesit më të mëdhenj të mishit të kalit në BE.
Organizata kriminale falsifikonte identifikimin e kafshëve duke modifikuar microchip-ët e tyre dhe dokumentacionin.
Nga hetimet, u zbulua edhe një biznesmen holandez, i cili kishte të bënte më një rast të vitit 2013, ku autoritetet irlandeze kishin zbuluar se disa hamburgerë viçi përmbanin mish kali. Ky i fundit rezultoi të ishte edhe kontrolluesi i strukturës të shtrirë në të gjithë Europën.
Si rezultat i aksioneve u sekuestruan dhe bllokuan një sërë llogarish bankare dhe prona, si edhe 5 makina luksoze.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.