Shitblerja e mjetit direkt në sportelet e DPSHTRR – Ja hapat që duhet të ndiqen
Nëpërmjet një njoftimi të publikuar në faqen zyrtare DPSHTRR ka rikujtuar qytetarët se shitblerja e mjetit mund të bëhet edhe pranë sporteleve të saj.
Referuar njoftimit, shitësi dhe blerësi duhet të ndjekin këto hapa:
- Të paraqiten pranë DRSHTRR bashkë me mjetin që do shitet dhe me këto dokumente me vete:
- Shitësi:
Mjet identifikimi
Leja e qarkullimit
Certifikatë Pronësie e mjetit
- Blerësi:
Mjet identifikimi
- Sapo të paraqiten në DRSHTRR, mjeti do t’i nënshtrohet kontrollit fizik për t’u pajisur me Certifikatën e Kontrollit Fizik.
- Pas kontrollit fizik të mjetit, vijohet pranë sportelit të juristit të DRSHTRR për hartimin e kontratës së shitjes së mjetit.
Mjeti duhet të jetë aktiv në sistem për kryerjen e procedurës dhe i lirë nga detyrimet në DPSHTRR (taksat, kamatvonesat) dhe INTERPOL.
- Pasi hartohet kontrata e shitblerjes te sporteli i juristit të DRSHTRR, Blerësi duhet të bëjë ndërrimin e pronësisë së mjetit duke u pajisur me:
Leje të re Qarkullimi
Certifikatë Pronësie në emër të tij
Vërtetimin RBS – konfirmimi nga Regjistri i Barrëve Siguruese të cilin e siguroni pas hartimit të kontratës së shitblerjes së mjetit
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
