Shiten në ankand makinat luksoze me vlerë 13 milion dollarë të sekuestruara nga politikani i akuzuar për korrupsion

Makinat super të shtrenjta me vlerë 13 milionë dollarë, i janë sekuestruar zëvendës presidentit ekstravagant të Guinesë Ekuatoriale si pjesë e një hetimi korrupsioni.

Këto makina do të shiten në ankand në Zvicër më vonë këtë vit. Autoritetet zvicerane morën një sasi luksoze prej 11 automjetesh nga Teodoro Nguema Obiang Mangue, biri i udhëheqësit të vjetër të kombit afrikan qendror, në vitin 2016 pas një hetimi mbi pastrimin e parave.

Në konfiskim përfshihen gjithashtu një rezidencë në Kaliforni, një avion dhe një koleksion të konsiderueshëm të memorjeve të Michael Jackson, një jaht me emrin Ice, i cili thuhet se kushton rreth 800,000 dollarë në muaj vetëm siguria e tij, sipas një artikulli në gazetën franceze Le Monde.

Shitja, e organizuar nga shtëpia e ankandit me qendër në Londër Bonhams, do të mbahet në Gjenevë më 29 shtator.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.