Shitet në ankand këpuca e mbretëreshës së Francës, Marie-Antoinette – Çmimi tejkalon pritshmëritë

Një këpucë mëndafshi e bardhë që i përkiste Mbretëreshës Marie-Antoinette u shit në ankand për 43,750 euro, mbi katër herë më shumë sesa pritej të shitej.

Këpuca, me thembër 4.7 cm dhe 22.5 cm të gjatë, sot do të ishte afërsisht me një madhësi me numër 36.

Këpuca iu shit Marie-Emilie Leschevin de Prévoisin, një shoqe e ngushtë e Madame Campan, shërbëtorja e parë e mbretëreshës, e cila vdiq në 1816. Familja e saj e ka mbajtur këpucën që nga ajo kohë.

Shtëpia e ankandit, Osenat, priste që këpucët të arrinin midis 8,000 deri në 10,000 euro.

Marie-Antoinette, e cila ishte austriake, u ekzekutua në gijotinë gjatë Terrorit në 1793, nëntë muaj pasi burri i saj Luigji XVI, u rrëzua gjatë revolucionit të vitit 1789.

Këpuca mban emrin e mbretëreshës në thembrën e saj dhe Jean-Pierre Osenat, nga shtëpia e ankandit që po kryen shitjen, tha se mendohet se ajo e kishte veshur atë rregullisht gjatë jetës së përditshme në pallat.

“Ky ankand po vjen në një kohë kur francezët po përballen me pasiguri të vërteta në lidhje me vlerat e tyre, dhe shumë prej tyre janë duke u kapur pas historisë së Francës,” tha Osenat. “Marie Antoinette është dikush që zgjon interesin e të gjithë botës.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.