Shitet për rreth 100 mijë euro SMS-ja e parë e dërguar në botë – Në tekst: “Gëzuar Krishtlindjet”
Një kopje dixhitale e mesazhit të parë SMS të dërguar ndonjëherë doli nga një ankand pranë Parisit ku është shitur për 107 mijë euro, sipas gazetës franceze Le Monde.
Bëhet me dije se bëhet fjalë për tekstin “Gëzuar Krishtlindjet”, i cili është dërguar përmes rrjetit Vodafone më 3 dhjetor 1992. Informatisti i Vodafone, Neil Papworth, i ka dërguar mesazhin kolegut të tij Richard Jarvis. Jarvis mori një SMS në telefonin e tij pa tela.
Ankandi u organizua nga shtëpia e ankandeve Aguttes. Blerësi, i cili dëshironte të mbetej anonim, mori një kopje dixhitale të mesazhit.
Më herët u raportua se Vodafone ka krijuar një kopje virtuale të një mesazhi të thjeshtë me tekst në formën e NFT (shenjë jo e këmbyeshme).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.