Shitja e aksioneve të ”Commerzbank”, do t’i kushtonte tatimpaguesve gjermanë miliarda euro
Tatimpaguesit gjermanë do të humbnin miliarda euro nëse shteti do të shiste aksionet e saj në Commerzbank, përpara një bashkimi të mundshëm me Deutsche Bank, tregoi një dokument qeveritar, duke theksuar rreziqet e përfshirjes së qeverisë në këtë sektor.
Berlini zotëron 15.6 për qind në Commerzbank pas një ndihme që i ka dhënë kësaj banke një dekadë më parë dhe ligjvënësit i kanë bërë thirrje ministrit të financave Olaf Scholz që të heqin dorë nga këto aksione, në mënyrë që të shmangin rreziqet që i kanosen buxhetit, nëse Commerzbank duhet të bashkohet me rivalin e saj më të madh. Deutsche dhe Commerzbank thanë muajin e kaluar se ata ishin në bisedime për t’u bashkuar, ndërkohë që përgjigjet e Ministrisë së Financave treguan se humbja e qeverisë aktualisht qëndron në 3.7 miliardë euro, nëse ky bashkim do të ndodhë.
E pyetur nëse qeveria kishte ndonjë plan për të shitur aksionet e saj të Commerzbank, në rast të një bashkimi, zyrtarja e Ministrisë së Financave Bettina Hagedorn tha se qeveria nuk do të merrte pjesë në asnjë spekullim lidhur me rezultatin e bisedimeve ende të vazhdueshme të bashkimit midis dy bankave.
Qeveria gjermane ka qenë e shqetësuar për Deutsche Bank, huadhënësin më të madh të Gjermanisë, i cili ka luftuar për të gjeneruar përfitime të qëndrueshme që nga kriza financiare e vitit 2008.
Burimi- Reuters
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.