Shitja e armëve në botë / Dominon SHBA-ja dhe Rusia, Evropa me numrin më të lartë të kompanive në listë

Kompanitë evropiane përbejnë rreth një të katërtën e shitjeve të armëve nga prodhuesit më të lartë të armëve në botë në vitin 2018, sipas një raporti nga Instituti Ndërkombëtar i Kërkimit të Paqes në Stockholm (SIPRI).

Në total, 27 kompani me qendër në Evropë ishin pjesë e renditjes së “SIPRI” të 100 kompanive më të mëdha të armëve dhe shërbimeve ushtarake që përjashton firmat kineze për shkak të mungesës së të dhënave transparente dhe të besueshme. Këto kompani arkëtuan rreht 102 miliardë të kombinuar së bashku(92,09 miliardë €).

Megjithëse një rënie në shitje prej 4,8%, Britania dhe tetë kompanitë në ishull arritën vlerën më të lartë të bllokut me 35.1 miliardë dollarë (31.6 miliardë euro) në shitjen e armëve vitin e kaluar.

“Gjashtë nga tetë kompanitë me qendër në Mbretërinë e Bashkuar të listuara në Top 100 raportuan një ulje të shitjeve të armëve në 2018”, tha Nan Tian, ​​një studiues i “SIPRI” në një deklaratë. “Kjo ishte pjesërisht për shkak të vonesave në programet e Mbretërisë së Bashkuar për modernizimin e armëve.”

Franca vjen e dyta me 23.2 miliardë dollarë (20.9 miliardë dollarë) në shitje vitin e kaluar, të forcuara nga një rritje e mprehtë 30% e shitjeve nga “Dassault Aviation Groupe” e cila eksporton aeroplanët luftarakë “Rafale”.

Firma trans-evropiane, “Airbus” dhe “MBDA”, ishin shitësit e tretë më të mëdhenj të armëve nga Kontinenti i Vjetër, me një shitje të kombinuar 15.4 miliardë dollarë (13.9 miliardë €). Ata u pasuan nga firmat italiane dhe gjermane të cilat shisnin përkatësisht 11.7 miliardë dollarë (10.5 miliardë dollarë) dhe 8.4 miliardë dollarë (7.6 miliardë €) armë dhe pajisje ushtarake.

SHBA-ja dhe Rusia janë shitësit më të mëdhenj të armëve

Në nivel global, shitjet u rritën me 4,6% nga viti në vit në 420 miliardë dollarë (379,2 miliardë €) me kompanitë me qendër amerikane që morën pjesën më të madhe.

Për herë të parë që nga 2002, pesë pikat më të mira në renditje mbahen nga ndërmarrjet amerikane, të cilat, të vetme përbënin rreth 35% të shitjeve totale të Top 100 ose 148 miliardë dollarë (133.6 miliardë euro).

Rusia, ndërkohë, çimentoi vendin e saj të dytë të fituar vitin e kaluar me shitje në vlerë 36.2 miliardë dollarë (32.7 miliardë euro). Këto shifra u ndikuan nga prodhuesi më i lartë i armëve në vend, “Almaz-Antey”, shitjet e të cilit u rritën 18%.

Geri Kolgega / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.