Shitjet e makinave në Kinë –Rënia më e madhe vjetore që nga vitet ‘90

“Para 1 viti, shitjet e makinave në Kinë patën një rënie prej 13.9 për qind” –  deklaroi shoqata më e madhe e industrisë së makinave në botë, duke shënuar rënien më të madhe në më shumë se gjashtë muaj.

Rënia e shitjeve nga 2.55 milionë automjete, pati rënien më të madhe në shifrat mujore, e cila vjen si pasojë e një ngadalësimi të rritjes ekonomike dhe të luftës tregtare të Sino-U.S.A. Rënia e nëntorit vjen në nivelin e rënies prej rreth 12 për qind në secilin nga dy muajt e fundit, duke e drejtuar Kinën një një tkurrje vjetore të shitjeve që nuk është parë që nga viti 1990.

Shitjet në vend arritën në 25.4 milionë automjete në njëmbëdhjetë muajt e parë të vitit, 1.7 për qind më pak se e njëjta periudhë e një viti më parë,  sipas të dhënave nga Shoqata e Kinës e Prodhuesve të Automjeteve (CAAM).

Industria e shitjeve të makinave në botë nuk dha menjëherë arsyen për rënien që pati në muajin nëntor, por kohët e fundit përmendi ndikimin e një ekonomie të ngadaltë dhe të luftës tregtare.

Reuters raportoi gjatë muajit tetor se shitësit e makinave në Kinë,  po e shtynin Pekinin që të mbështeste sektorin, duke përfshirë propozimin për të shkurtuar taksën e blerjes për disa makina më të vogla me 50 përqind.

Tregu i makinave në Kinë u rrit në 3 për qind vitin e kaluar, sipas të dhënave të CAAM, por ishte ende një nivel më poshtë nga fitimi prej 13.7 për qind në 2016, i cili u ndihmua nga një shkurtim i taksës së blerjes për makinat më të vogla.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.