“Shkarkimet në polici për krimin mbi Vjosë”, Rama: Janë vetëm fillimi, të bëhen normë për çdo krim mjedisor

Pas shkarkimit të punonjësve të policisë dhe vërejtjeve të vendosura nga Policia e Shtetit ka reaguar edhe kryeministri Rama. Përmers një statusi në FB, Rama shprehet se shkarkimet në polici për krimin mbi Vjosë, duhet të jenë vetëm fillimi dhe duhet të bëhen norme për çdo krim mjedisor

“Shkarkimet në polici për krimin mbi Vjose duhet të jenë vetëm fillimi dhe duhet të bëhen normë për çdo krim mjedisor”, shkruan Rama.

Drejtori i Përgjithshëm i Policisë së Shtetit ka firmosur disa masa për punonjësit e Policisë, të cilët janë evidentuar me përgjegjësi administrative dhe penale, në fund të analizës së veprimeve dhe mos veprimeve të strukturave vendore të Policisë Gjirokastër në rastin e një ndërtimi pa leje në Grykën e Këlcyrës, në lumin Vjosë.

“Megjithatë ngjarja nuk është raportuar pranë strukturave përgjegjëse, nuk u kryen veprimet proceduriale dhe nuk u referua çështja në Prokurori. Drejtuesit e Drejtorisë Vendore nuk kanë ushtruar përgjegjësinë ndaj strukturave në varësi për raportimet për kontrollin e territorit. Kontrolli i territorit, në të cilin përfshihet edhe ruajtja e mjedisit nga çdo lloj krimi mjedisor është detyrë e strukturave të Policisë Vendore”, thuhet në njoftimin e MPB

os.de/SCAN

Shkarkime e vërejtje për shefat e komisariateve dhe inspektorët – “Shpërdoruan detyrën”, dërgohen në prokurori disa punonjës policie  

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.