Shkatërrohet rrjeti ndërkombëtar i grabitjes së makinave – Sekuestrohen 85 mjete me vlerë mbi 1.5 mln euro. “Harta” ku do trafikoheshin

Shkatërrohet rrjeti kriminal ndërkombëtar i grabitjes së makinave në Europë. Konkretisht policia spanjolle me mbështetjen e policisë bullgare, asaj portugezen dhe Europol shkatërruan rrjetin ndërkombëtar të vjedhjes së automjeteve dhe trafikimit të paligjshëm të tyre nga Spanja në Evropë.

Rrjeti kriminal ishte përfshirë në vjedhjen e 85 automjeteve dhe vlera e tyre i kalonte 1.5 mln euro, ndërkohë mësohet se destinacioni final i tyre ishin Portugalia, Polonia, Rumania, Franca, Austria, Rusia, Bullgaria dhe Belgjika.

Sipas Europol nga ky operacion u arrestuan 19 persona dhe vijojnë hetimet për 5 të tjerë të cilët dyshohen se i përkasin rrjetit kriminal të grabitjes së automjeteve.

Rrjeti përbëhej nga shtetas të disa kombësive, si spanjollë, grekë, francezë, rumunë, polakë, portugezë, brazilianë dhe bullgarë, ndërkohë që Europol tregon dhe skemën ë përdorej nga ta.

“Pasi automjetet ishin vjedhur,  grupi bënte falsifikimin e numrave të shasisë, ndërsa anëtarë të tjerë të rrjetit me kombësi bullgare ofronin targat dhe dokumentet e falsifikuara. Anëtarë të tjerë me kombësi polake, estoneze, greke dhe bullgare të organizatës ishin përgjegjës për marrjen e automjeteve dhe shitjen e tyre në vende të tjera evropiane”, thuhet në një njoftim të Europol.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.