Shkëmbim parash – Facebook ‘krijon’ kriptomonedhën e tij
Një kriptomonedhë e re do t’i bëjë të mundur përdoruesve të WhatsApp-it që të dërgojnë para në kohë reale, vlerësimi i të cilave nuk do të jetë i lidhur me paqëndrueshmërinë e tregut por do të ankorohen në pasuri të prekshme si ari ose dollari amerikan.
Ky është projekti me të cilin po punon Facebook, sipas fjalëve që thuhen nga New York Times dhe Bloomberg. Ndërsa në sektorin e chat-it, në një kompani tjetër, filloi një eksperiment i çuditshëm, për të cilin përdoruesit paguajnë një qindarkë për çdo karakter të shkruar në mesazh.
Monedha dixhitale e Facebook mund të quhet FaceCoin dhe duhet të fillojë qarkullimin brenda vitit 2019 ose në fillim të vitit 2020. Ajo do të kundërshtojë edhe konkurrencën e Telegramit dhe Sinjalit, aplikacionet e tjera të mesazheve që po punojnë për zgjidhje të ngjashme. Sipas lastampa.it, kjo nuk është ‘aventura’ e parë e rrjetit social të Mark Zuckerberg në fushën e monedhave virtuale ose pagesave. Kreditë e Facebook-it u nisën në vitin 2011, por zgjatën dy vite pastaj dolën dhuratat e Facebook dhe në fund pagesat nëpërmjet Messenger që u testuan në SHBA në vitin 2015 dhe u shtynë në Europë dy vite më vonë.
Megjithatë, thuhet se FaceCoin do të jetë një projekt ndryshe. Ndoshta, për shkak se sistemi i zinxhirit të blloqeve ka në bazë një kriptovalutë që garanton gjurmueshmërinë dhe sigurinë. Pastaj, sepse do të ishte një stabilizues, domethënë një monedhë dixhitale e mbështetur nga një shportë e pasurive fizike si dollari amerikan ose ari. Rrjeti social gjithmonë ka treguar interes në botën e kripto monedhave.
“Ashtu si shumë kompani të tjera, Facebook po shqyrton mundësitë për të shfrytëzuar potencialin e teknologjisë blockchain. Ky ekip i ri i vogël po vlerëson aplikacione të ndryshme. Për momentin nuk kemi asgjë më shumë për të ndarë.” -shpjegoi kompania Bloomberg.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.