Shkëmbimet tregtare Shqipëri-Kosovë njohin rritje! Si kanë ndryshuar shifrat në 7 muajt e fundit

Kosova është një prej 3 vendeve me të cilat Shqipëria ka njohur rritjen më të madhe të eksporteve (36,9 %) gjatë muajit korrik të këtij viti. E në fakt, kjo tendencë është konstatuar edhe në muajt e tjerë të këtij viti.

Referuar të dhënave të INSTAT, rezulton se gjatqë muajit korriki 2017, eksportet drejt Kosovës kanë arritur vlerën e rreth 1.9 miliard lekëve në krahasim me rreth 1.3 miliardë që ishte në të njëjtin muaj të një viti më parë.

Po ashtu, edhe në periudhën janar-korrik 2017 eksportet rezultojnë se janë në rritje në krahasim me të njëjtën periudhë të një viti më parë. Në periudhën janar-korrik 2017 eksportet e Shqipërisë me Kosovën arritën vlerën 11.8 miliard lekë në krahasim me 9.2 miliard lekë të së njëjtës periudhë të një viti më parë.

Importet

Gjatë muajit korrik, importet e Shqipërisë nga Kosova rezultojnë 692 milionë lekë nga 492 që ishte në të njëjtin muaj të një viti më parë.

Ndërkohë, në periudhën janar-korrik rezulton se Shqipëria ka importuar në vlerën 4.5 miliard lekë nga 3.1 miliard lekë të periudhës janar-korrik 2016.

Pavarësisht kësaj rritje, shkëmbimet ekonomike mes dy vendeve vlerësohet se janë nën potencialin e tyre.

Eksportet me Kosovën

Korrik 2016 –rreth 1.3 mld lekë

Korrik 2017 –rreth 1.9 mld lekë

Janar korrik 2016 –9.2 mld lekë

Janar korrik 2017-11.8 mld lekë

Importet

Korrik 2016- 492 mln lekë

Korrik 2017-692 milionë lekë

Janar-korrik 2016-3.1 miliard lekë

Janar korrik 2017-4.5 miliard lekë

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.