Shkëmbimi i stafit akademik – UT, thirrje për bursa në Universitetin e Bolonjës. Kompensimi, 140 euro dita
Vijojnë kualifikimet jashtë vendit jo vetëm në radhët e studentëve por edhe të stafeve akademike.
Universiteti i Tiranës, në kuadër të programit “Erasmus+”, këtë herë fton kandidatët e interesuar që të aplikojnë për bursa për shkëmbim të stafit akademik me universitetin e Bolonjës në Itali në 4 fusha të ndryshme.
Fushat të cilat përfshihen janë administrim Biznesi dhe Drejtësi, Shkenca Natyrore, Matematikë dhe Statistikë, Artet dhe Shkencat Humane, si edhe Shkenca Sociale, Gazetari dhe shkenca komunikimi.
Sipas Universitetit të Tiranës, kompensimi ditor për aplikantët do të jetë 140 euro ndërkohë që do të mbulohet dhe kostot e udhëtimit në varësi të distancës të cilat varjojnë nga 180 deri ne 1100 euro.
Afati i fundit për aplikime nga të interesuarit është data 7 shtator 2018. Programi Erasmus + synon modernizimin e sistemeve arsimore dhe përshtatjen e tyre me nevojat e tregut të punës në saj të rritjes së bashkëpunimit mes universiteteve.
Ky program ka filluar në vendin tonë që prej vitit 2014 dhe aktualisht që prej shtatorit të vitit 2017 në universitetet europiane japin mësim rreth 30 pedagog nga Universiteti i Tiranës, numër i cili pritet të rritet.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.