Shkencëtarët i druhen mundësisë se një vaksinë anti-Covid është e pamundur – Imuniteti ndaj sëmundjes venitet shpejt

Shkencëtarët kanë frikë se mund të jetë e pamundur të prodhohet një vaksinë funksionale për koronavirus dhe besojnë se bota mund të duhet të mësojë thjesht të përshtatet me kërcënimin e përhershëm të COVID-19.

Zyrtari Kryesor i Mjekësisë në Mbretërinë e Bashkuar, Christopher Whitty, i tha një komiteti parlamentar të premten se kishte prova që sugjeronin se nuk mund të jetë e mundur të stimulohet imuniteti ndaj virusit.

“Pyetja e parë që nuk e dimë është a fitohet imunitet natyral ndaj kësaj sëmundje nëse ajo ka qenë njëherë në organizëm, apo jo?”, tha Whitty.  Ai tha se ka prova që disa njerëz që janë riinfektuar me virusin edhe pasi e kanë kaluar njëherë atë. Ai shtoi: “Kjo është një situatë shqetësuese”.

Dyshimet në lidhje me mundësinë e një vaksine të vlefshme bazohen kryesisht në faktin se asnjë vaksinë nuk është aprovuar ndonjëherë për t’u përdorur në SHBA ose Angli kundër formave të tjera të koronavirusit.

Whitty i tha komitetit se provat nga format e tjera të koronavirusit ishin se imuniteti ndaj virusit venitet relativisht shpejt. Ai tha se bota duhet “të jetë e kujdesshme që të mos supozojë se do të kemi një vaksinë për këtë sëmundje siç e kemi pasur, le të themi  për fruthin.”

Organizata Botërore e Shëndetit të shtunën gjithashtu hodhi dyshime mbi mundësinë që imuniteti ndaj virusit është i pamundur. Shkencëtarët e tjerë gjithashtu kanë ngritur mundësinë që një vaksinë që funksionon nuk mund të dalë kurrë për t’iu kundërvënë COVID-19.

D.B – SCAN
Burimi: Business Insider  https://www.businessinsider.com/coronavirus-vaccine-may-be-impossible-to-produce-scientists-covid-2020-4

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.