Shkencëtarët po luftojnë të na ruajnë nga një botë pa kafe
Ndërkohë që Uashingtoni debaton nëse ndryshimi i klimës është një mashtrim apo një kërcënim i afërt, bimët e kafesë janë nën rrethim nga shpyllëzimet, temperaturat jonormale të larta, mungesa e reshjeve si dhe sëmundjet.
Tregu global po shkon për vitin e tij tw katërt drejt deficitit sipas vlerësimeve të Rabobank International.
Në të njëjtën kohë kërkesa globale për këtë pije të dashur pritet të arrijë një nivel të lartë gjatë këtij viti, e udhëhequr nga kërkesa e konsumatorëve të rinj në mbarë botën.
Prodhimi do të duhet të rritet së paku 50 për qind nga mesi i këtij shekulli për të mbajtur hapin në të njëjtin nivel me kërkesën, thotë Conservation International, një organizatë mjedisore.
Për të përballuar këtë, industria po nxiton për të zhvilluar bimë që mund të përshtaten me ndryshimin e mjedisit.
Sipas Institutit Botëror të Kërkimeve të Kafesë, toka e përshtatshme për të rritur fasadat e arabicës të favorizuar nga Starbucks Corp dhe pjekës të tjerë do të përgjysmohen në mbarë botën deri në vitin 2050.
Në shtetin Espirito Santo të Brazilit, prodhimi ka rënë veçanërisht për shumëllojshmërinë e kafeve të robustave.
Në tre vitet e fundit rajoni ka marrë vetëm 50 për qind të reshjeve mesatare të saj, ndërsa temperaturat u rritën në 3 gradë Celsius mbi normalen.
Kjo u konsiderua si “thatësira më e keqe në 80 vjet” – tha për Bloomberg, Romario Gava Ferrao.
Viola Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.