Shkencëtarët polakë zbulojnë një gjen që dyfishon rrezikun për t’u sëmurë rëndë me COVID
Shkencëtarët polakë kanë gjetur një gjen që ata thonë se dyfishon rrezikun për t’u sëmurë rëndë me COVID-19, një zbulim që ata shpresojnë se mund t’i ndihmojë mjekët të identifikojnë njerëzit që janë më të rrezikuar nga sëmundja.
Me hezitimin ndaj vaksinave një faktor kryesor pas niveleve të larta të vdekjeve nga koronavirusi në Europën Qendrore dhe Lindore, studiuesit shpresojnë se identifikimi i atyre që janë në rrezik më të madh do t’i inkurajojë ata të marrin një vaksinë dhe t’u japë atyre akses në opsione më intensive trajtimi në rast të një infeksioni.
Studiuesit nga Universiteti Mjekësor i Bialystok zbuluan se gjeni ishte faktori i katërt më i rëndësishëm që përcakton se sa seriozisht vuan një person nga COVID-19, pas moshës, peshës dhe gjinisë.
Gjeni është i pranishëm në rreth 14 % të popullsisë polake, krahasuar me 8-9 % në Europë në tërësi dhe 27 % në Indi. Studime të tjera kanë treguar gjithashtu rëndësinë e faktorëve gjenetikë në sa seriozisht zhvillohet COVID-19.
Në nëntor, shkencëtarët britanikë thanë se kishin identifikuar një version të një gjeni që mund të lidhet me dyfishin e rrezikut të dështimit të mushkërive nga COVID-19.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.