Shkencëtarët rikrijojnë vezoren 3D dhe arrijnë të prodhojnë bebe minjsh
Një ekip shkencëtarësh nga Northwestern University në Ilinois, SHBA, kanë arritur të zhvillojnë një vezore bioprostetike duke përdorur teknologjinë e printimit 3D dhe kanë arritur të prodhojnë minj të gjallë, të shëndetshëm prej tyre.
Shkolla e mjekësisë dhe shkolla e inxhinierisë u bashkuan për projektin duke kombinuar këtë teknologji me qeliza nga inde vezoreje, të cilën më pas e futën brenda një miu. Eksperimenti vërtetoi se vezoret e reja ndihmuan në prodhimin e hormoneve dhe rritën lindshmërinë tek minjtë me vezore prostetike.
Megjithëse studimi u qëndrua tek minjtë, ajo ka si synim të ndihmojë gratë të cilat kanë vuajtur kancer në fëmijëri dhe nuk do të mundeshin të bënin fëmijë për shkak të dëmtimit që trajtimi i kancerit ka shkaktuar tek vezoret. Vajzat e reja që marrin trajtim kanceri mjafton të ruajë në kushte laboratori vezoret e tyre dhe shkencëtarët mund t’i përdorin më vonë për të marrë materialin gjenetik dhe të bëjnë vezore të reja, kur ato të duan të bëjnë fëmijë.
Kjo shpikje mund të ndihmojë edhe gratë të cilat vuajnë nga një numër i ulët vezoresh, ose gratë më të vjetra të cilat për shkak të moshës së vezëve e kanë më të vështirë të mbeten shtatzënë.
Megjithatë studiuesit shprehen se një diçka e tillë mund të mos realizohet edhe për 10 ose 15 vjet të tjera.
Së bashku me disa studime të tjera, të cilat kanë patur arritje të ngjashme në këtë fushë, shpresat për shumë gra që për një arsye ose për një tjetër nuk kanë mundur të bëjnë fëmijë janë rritur ndjeshëm.
Deri më tani, Universiteti ka ruajtur 375 inde vezoresh nga pacientë njerëzorë të moshave të ndryshme me qëllimin për t’i ndihmuar të riprodhohen në një datë të mëvonshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.