Shkencëtarët zbulojnë aksidentalisht ishullin më verior në botë!
Një grup shkencëtarësh ka njoftuar se kanë zbuluar aksidentalisht ishullin më verior në botë, në brigjet e Grenlandës.
Korrikun e kaluar një ekspeditë e studiuesve daneze-zviceranë arriti me helikopter atë që ata menduan se ishte ishulli Oodaaq, i njohur që nga viti 1978 si ishulli më verior.
Por kur kontrolluan vendndodhjen e tyre ata kuptuan se ishin 800 metra më në veri, në një ishull tjetër me përmasa prej vetëm 60x30m. Ky sipas tyre është rripi i tokës më i afërt me Polin e Veriut.
Udhëheqësi i ekspeditës Morten Rasch tha se ishulli do të quhet Qeqertaq Avannarleq, që do të thotë ‘ishulli më verior’ në gjuhën e Grenlandës. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.