OSHEE Shkodër – Vidhnin energjinë, paditen në polici 22 abonentë
Strukturat e Task Forcës dhe Kontroll- Verifikimit të OSHEE Shkodër kanë zbuluar 22 abuzues të energjisë nga kontrollet e ditëve të fundit. Abonentët (familjarë dhe privatë) të cilët janë dërguar për hetim, janë kapur në flagrancë duke vjedhur energjinë elektrike.
Shoqërimet e abonentëve abuzues në polici janë bërë në prani të oficerit të policisë gjyqësore. Ky i fundit, ka qenë i pranishëm me grupet e kontrollit të OSHEE.
Qyteti i Shkodrës vazhdon të mbetet problematik krahasuar me rajonet përreth si Kopliku apo Puka. Kjo, pavarësisht se të dhënat e OSHEE për 10 mujorin 2017 tregojnë se ka pasur një përmirësim të nivelit të humbjeve, nga 64% në 44%.
Ndërkohë, OSHEE vijon me kontrollet në të gjithë vendin për abuzuesit e energjisë elektrike dhe debitorët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.