“Shkolla e Lartë”, kuotat e lira në çdo program studimi. Sa vende bosh kanë mbetur në fakultetet e UT-së, te Politekniku, Bujqësori, Mjekësia, te Artet dhe në universitetet e rretheve (LISTA)

Universitetet në të gjithë vendin kanë publikuar kuotat e lira të pranimit në të gjitha fakultetet. Bëhet fjalë për kuotat e mbetura bosh gjatë raundit të parë të regjistrimit, në programet e studimit në çdo fakultet për vitin akademik 2017-2018.

Vetëm pak ditë më parë, Agjencia Kombëtare e Provimeve publikoi procedurën që duhet ndjekur në universitete për regjistrimin në raundin e dytë. Të drejtën për të aplikuar në raundin e dytë e kanë maturantët/kandidatë të mëposhtëm:

-Të gjithë maturantët /kandidatët të cilët kanë plotësuar formularin A1 ose A1Z në sesionin e dytë, që nuk kishin detyrime për provimet e maturës shtetërore ose rezultojnë kalues në provimet e maturës shtetërore në sesionin e dytë, të vjeshtës.

-Të gjithë maturantët /kandidatët të cilët kanë plotësuar formularin A1 ose A1Z dhe rezultojnë kalues në provimet e maturës shtetërore në sesionin e parë, të muajit qershor të cilët:

-Nuk kanë arritur të aplikojnë në raundin e parë për arsye të ndryshme

-Kanë aplikuar në raundin e parë por nuk janë shpallur fitues në asnjërën prej preferencave të përzgjedhura

-Kanë aplikuar në raundin e parë dhe janë shpallur fitues në njërën nga preferencat e përzgjedhura por nuk janë regjistruar në asnjërin prej programeve të studimit ku janë shpallur fitues

-Janë çregjistruar pas përfundimit të raundit të parë

“Theksojmë se maturantët/kandidatët e kategorive të mësipërme, të cituar në pikat b, c dhe d, të cilët kanë aplikuar në raundin e parë, duhet te riaplikojnë edhe njëherë tjetër në raundin e dytë meqenëse ky është një formular i ri aplikimi. Maturantët/Kandidatët e Raundit të Parë të cilët rezultojnë të regjistruar pas përfundimit të raundit të parë të regjistrimeve, nuk kanë të drejtë të aplikojnë në Raundin e Dytë të Aplikimeve. Pra aplikimi i tyre në Raundin e dytë nuk është i vlefshëm”, thuhet në njoftim.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.