Shkon në 8 numri i viktimave nga Covid-19 në vend/ Ndërsa 14 persona janë shëruar

Është rritur numri i viktimave në vendin tonë si pasojë e koronavirusit, duke shkuar në 8.

Mbrëmjen e djeshme humbi jetën një 85- vjeçare nga Tirana, e cila kishte mbërritur te Spitali Infektiv, në gjendje të rëndë shëndetësore.

Ndërsa mëngjesin e sotëm, Ministria e Shëndetësisë , raporton se një 66-vjeçar ka humbur jetën, pasi trajtohej prej dy ditësh në spitalin infektiv në QSUT. Pavarësisht ndihmës së stafit mjekësor, 66-vjeçari që vuante nga sëmundje kronike pulmonare, hipertension, hemorragji gastro-intestinale, nuk arriti të mbijetojë.

Ndërkaq, numri i personave të shëruar nga Covid-19 ka shkuar në 14, të cilët do të vijojnë të jenë proces vetizolimi.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.