Shkretëtira e njohur si vendi më i thatë në botë ka çelur lule pas shiut surprizë

Mirë se vini në shkretëtirën e Atacama, e cila është shkretëtira më e thatë në Tokë. Ajo shtrihet në 1 mijë kilometra rrip toke në bregun perëndimor të Amerikës së Jugut.

Reshjet mesatare në rajon janë rreth 15 milimetra në vit. Por çdo pesë deri në shtatë vjet, reshjet e pazakonshme në vjeshtë bëjnë që të lulëzojnë më shumë se 200 lloje të luleve në pranverë.

Hera e fundit që kjo ndodhi ishte në vitin 2015, ku ngjyra rozë mbizotëroi fushën dhe ngjarja u kthye në kryefjalën e mediave.

Këtë here lulëzimi ka ardhur më herët. Vetëm dy vjet pas rastit të fundit, turistët po fluturojnë për të shijuar fenomenin e quajtur “desierto florido” ose shkretëtira e lulëzuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.