“Shkrihen” 16 mijë hektarë pyje/ Masat e qeverisë nuk shmangin abuzimet
Qeveria nuk ia ka dalë dot të ruajë të paprekura sipërfaqet pyjore ekzistuese në vend, ndërsa nuk bëhet fjalë për shtimin e tyre. Të dhënat zyrtare të INSTAT tregojnë qartë se gjatë vitit që lam pas, afro 47 mijë m3 pyje janë “zhdukur” për shkak të shfrytëzimeve pa kriter nga individë dhe biznese si dhe si pasojë e mosmenaxhimit të zjarreve.
Ndërkohë që prej 5 vitesh është në fuqi moratoriumi, duket se kjo masë nuk ka shpëtuar 16 hektarë pyje gjatë vitit 2018. Për këtë situatë është e vetëdijshme edhe Ministria e Mjedisit, pasi në një draft të hartuar së fundmi për pyjet, u ashpërsuan masat për abuzuesit.
Sipas të dhënave të INSTAT, Në vitin 2018, pyjet shtrihen në një sipërfaqe prej 1.051.859 ha, që përfaqëson 60,4 % të fondit pyjor dhe kullosor. Ndërsa, volumi i përgjithshëm i pyjeve arrin në 54.878.000 m3 , ku 94,0 % e këtij volumi përbëhet nga pyjet publike dhe 6,0 % nga pyjet private.
Elisabeta Dosku/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.