Shkurtimet në organet e Vetting-ut, Vasili: I qëllimshëm, është parashikuar fondi rezervë për 203 punonjës
Lëvizja Socialiste për Integrim hedh akuza mbi qeverinë, sa i takon procesit të Vetting-ut. Në një dalje për mediat nga selia e kësaj partie, kreu i grupit parlamentar, Petrit Vasili deklaroi se shkurtimi i 70 punonjësve nga 184 të kërkuar nga komisionet e Vetting-ut, është i qëllimshëm dhe tregon se mazhoranca kërkon të kapë procesin.
Sipas Vasilit, qeveria po krijon një konfuzion, pasi ndryshe nga sa u miratua në Komisionin e Ligjeve përmes një akti, që sipas tij, do të kalojë ditën e mërkurë, qeveria ka parashikuar një fond rezervë për 203 punonjës për Vetting-un.
Kreu i grupit parlamentar të LSI theksoi se, organet e Vetting-ut kanë nevojë imediate për të pasur personelin e nevojshëm. Sipas tij, numri është disa herë më i ulët se ILDKPI-ja.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.