Shkurtohet distanca Shkozë – Porcelan – Përfundon ndërtimi i 3 rrugëve që lidhin këto dy zona
Bashkia e Tiranës ka përfunduar ndërtimin e tre rrugëve të reja në zonën e Shkozës, Rr. “Disha”, Rr. “Thoma Nasi” dhe Rr. “Fransua Pukvil”, që lidhin Njësinë 3 me Njësinë 1.
Punimet u inspektuan nga Kryetari i Bashkisë së Tiranës, Erion Veliaj dhe deputetja e PS, Elona Gjebrea. Veliaj e cilësoi këtë si një ndër projektet më të vështira.
“Ka qenë një prej projekteve më të vështira, për shkak të relievit, çështjeve të legalizimit, hipotekimit, me probleme pronash.”
Në të dy anët e rrugës janë ndërtuar mure dekorative dhe është vendosur sistemi i ndriçimit, krahas ndërtimit të rrjetit të kanalizimeve të ujërave të bardha e të zeza.
Kështu, ndërtimi i këtyre rrugëve ka shkurtuar distancën Shkozë – Porcelan.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.