Shmangia e karantinës 14-ditore të COVID-19 në aeroportin e Vjenës: Udhëtarët mund të paguajnë 190 euro për të evituar izolimin e detyruar
Udhëtarëve që duan të hyjnë në Austri dhe të shmangin një karantinë dy-javore, po taksohen me 190 euro për të provuar se janë pa COVID-19. Austria thotë se kushdo që arrin në aeroportet e tij ose kufijtë tokësor pa prova se janë pa koronavirus duhet të shkojnë në izolim.
Nëse udhëtarët nuk kanë prova, ata mund të paguajnë 190 euro për një test në aeroportin e Vjenës. Por eurodeputeti gjerman, Michael Bloss, tha për Euronews se tarifa është diskriminuese dhe rrezikon të përkeqësojë pabarazitë ekzistuese. “Kjo nuk është një mënyrë e drejtë për të trajtuar krizën,” tha ai. “Kriza tashmë ka një ndikim të ndryshëm në klasa të ndryshme shoqërore.”
Eurodeputeti austriak Lukas Mandl tha se testet ishin të shtrenjta, por është diçka që njerëzit thjesht do të duhet ta marrin parasysh dhe në konsideratë tani. “Fluturimi tani bëhet i shtrenjtë pasi gjithashtu duhet të dëshmoni se nuk jeni të infektuar nga COVID-19 dhe kjo është arsyeja pse të gjithë duhet të përfshijnë këto kosto të reja në kostot e tyre të udhëtimit,” tha ai.
“Dhe kjo nuk është e vërtetë vetëm për njerëzit e pasur, është për të gjithë”. Testi është gjithashtu i disponueshëm për ata që largohen nga Vjena për të fluturuar në destinacione të tjera. BE ka mbyllur kufijtë e saj të jashtëm për të parandaluar përhapjen e virusit, por udhëtimi ndërkufitar brenda bllokut është ende i lejuar edhe pse vetëm nën kushte të caktuara.
Masat e rrepta të vendosura nga Austria janë në kontrast të ashpër me ato të marra ose të shpallura nga vendet e tjera europiane. Për shembull, Franca do të vendosë periudha karantine për udhëtarët që vijnë, por jo për ata që vijnë nga zona e Shengenit ose Britania.
Mandl tha që Austria kishte ndërmarrë hapa për të siguruar që njerëzit që udhëtojnë në vend të jenë pa viruse në një përpjekje për të mbrojtur popullsinë e saj. “Për këtë periudhë kohore kjo masë duket të jetë e përshtatshme për Austrinë pasi ne jemi më mirë se vendet e tjera kur bëhet fjalë për raste të konfirmuara dhe fatalitete, kjo është arsyeja pse ne mbrohemi.” 15.684 njerëz janë infektuar deri më tani në Austri dhe 608 kanë vdekur nga COVID-19 sipas Universitetit Johns Hopkins.(EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.