SHMU: Mot i paqëndrueshëm, reshje dhe vranësira në të gjithë vendin
Shërbimi Meteorologjik Ushtarak njofton se ka nisur që në fillim të kësaj jave moti i paqëndrueshëm në vend i cili do të vijojë edhe në ditën e martë dhe të mërkurë.
Sipas informacionit moti do të nisë me vranësira të përqendruara në pjesën lindore të vendit, në bregdet me kthjellime e vranësira dhe gradualisht vranësirat do të dendësohen në të gjithë vendin dhe përkohësisht në zonat jugore, juglindore e lindore do të ketë reshje të dobëta shiu ndërsa në formë të izoluar në juglindje shtrëngata të shkurtra.
SHMU informon se era do të fryjë me drejtim juglindje – veriperëndim e lehtë e përkohësisht mesatare përgjatë vijës bregdetare dhe zonave luginore, valëzimi në dete do të jetë deri në 2 ballë ndërsa temperaturat do të pësojnë rënie si më poshtë:
- në zonat malore 12°C deri në 25°C
- në zonat e ulëta 14°C deri në 29°C
- në zonat bregdetare 17°C deri në 29°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.