Shoqëritë private të sigurimit – IDM, 42% e kontratave me negocim pa shpallje paraprake

Në vitet 2015 dhe 2016 më shumë se 42% e kontratave të dhëna për shërbimet e sigurisë private, u dhanë përmes procedurës me negocim pa shpallje paraprake.

Ky është konkluzioni i studimit 3 vjeçar të Institutit Për Drejtësi Dhe Ndërmjetësim. Sipas studiuesit dhe ekspertit të sigurisë Arjan Dyrmishi, rreziku i korrupsionit dhe favorizimi është më i lartë në sektorin e prokurimeve publike ku shoqëritë private të sigurimit u jepen rreth 800 tendera në vit.

Sipas eksperteve të sigurisë që kanë asistuar në këtë studim vitet e fundit procedura me negocim ishte procedura më shumë e përdorur prokurimi për tenderat publikë për shërbimet e sigurisë private, ndonëse ligji për prokurimin publik përcakton se procedura e preferuar e prokurimit duhet të jetë procedura e hapur dhe se procedura me negocim pa shpallje paraprake duhet të përdoret vetëm në raste të veçanta.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.