Short publik/ Nga 25 nëntori në 11 bashki nis ndarja e apartamenteve për ata që dëmtoi tërmeti
Nga 25 nëntori do të nisë shpërndarja e shtëpive dhe apartamenteve në 11 njësi vendore të vendit, në kuadër të procesit të rindërtimit nga tërmeti i nëntorit 2019.
Vendimi i miratuar nga qeveria u njoftua nga zëvëndëskryeministri Arben Ahmetaj. Ky i fundit tha se përfituesit e parë do të jenë kategoritë në nevojë, ku përfshihen familjet me ndihmë ekonomike, nënat e vetmuara, pensionistët apo familjet e policëve të rënë në krye të detyrës.
Për pjesën tjetër të përfituesve, do të aplikohet procesi i Shortit Publik. Sipas Ahmetajt, i gjithë procesi është transparent.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.