Shpallet i zhdukur nga familjaret – 50 vjeçari i bashkohet kërkimeve për të gjetur veten!
Për disa orësh që ishte zhdukur anëtarët e familjes ngritën alarmin, pasi nuk kishin dëgjuar asgjë prej tij. Dhe për ta kërkuar atë shumë ishin mobilizuar në rrethin e Inegol, në provincën veriperëndimore turke të Bursës.
Por në mesin e tyre, paradoksalisht, ishte edhe ai vetë. I cili, i dehur, nuk e kishte vënë re se po merrte pjesë në kërkimin e tij.
Historia kurioze e Beyhan Mutlu, një turk 50-vjeçar, po bën xhiron e internetit. Pasi piu shumë në shoqërinë e disa miqve, burri shkoi në një pyll në zonë, duke iu bashkuar një ekspedite tashmë në zhvillim. Vetëm pas disa orësh, kur njëri prej shpëtimtarëve bërtiti emrin e tij, ai e kuptoi që ata në të vërtetë po e kërkonin. “Unë jam këtu,” u përgjigj burri, sipas mediave lokale.
“Mos më dëno shumë rëndë, përndryshe babai im do të më vrasë,” u tha ai më vonë autoriteteve që mblodhën dëshminë e tij, para se ta çonin në shtëpi. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.