Shpallet tenderi/ 45.6 milionë lekë për të mbajtur pastër Belshin, në 5 vitet e ardhshme

Bashkia Belsh ka shpallur tenderin me një fond limit 45.6 milionë lekë, për shërbimin e pastrimit të qytetit të Belshit. Ky tender dhe ky fond do të vihen në dispozicion për një periudhë 5 vjeçare, duke nisur që nga kontraktimi.

Sipas specifikimeve teknike të tenderit, parashikohet vendosja e 280 kontenierëve të rinj në të gjitha pikat e grumbullimit të mbetjeve. Nga ana tjetër, projekti konsiston në mbledhje, transport dhe largim të mbeturinave, fshirjen e rrugëve dhe trotuareve, si dhe freskim në mënyrë periodike të rrugëve dhe trotuareve.

Belshi është një qytet në të cilin po investohet vazhdimisht, si një destinacion i ri për turizmin. Jo më larg se në janar të këtij vit, Bashkia e Belshit shpalli tenderin për ndriçim novator,  edhe nëpër fshatra.

Jenida Vladi/ SCAN

Lexo edhe:

Belshi aplikon ndriçimin novator edhe në fshatra/Hapet tenderi për impiant fotovoltaik! Edhe ujësjellësi, i pari me energji diellore

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.