Shpallet tenderi/ 7 milionë lekë për Petrelën – Si do të transformohet zona e mbrojtur?
Bashkia Tiranë ka shpallur tenderin për Persqopin, në Petrelë. Projekti konsiston në rregullimin e infrastrukturës së kësaj zone të mbrojtur dhe ka një fond prej 7 milionë lekësh.
“Persqopi siç shihet edhe në fotot më poshtë është i paprekur nga dora e njeriut për shkak se është zonë e mbrojtur për arsye të monumenteve historike të zonës . Kjo gjë ka bërë të mundur ruajtjen e identitetit dhe vlerave të saj. Mirëpo, këto pasuri të paçmueshme historike dhe natyrore përveç mbrojtjes, nuk janë të vendosura në fokusin që meritojnë, si p.sh, me anë të infrastrukturës dhe sinjalistikës. Aksesi në momentet që flasim bëhet nëpërmjet rrugëve jo shumë të mira dhe shtigjeve të cilat jo shumëkush i di. Mungesa e sinjalistikës dhe tabelave informuese bën që këto pika kaq interesante të mos kenë vëmendjen e duhur” specifikohet në detajet e projektit.
Referuar të dhënave të tenderit, filozofia e projektit konsiston në 5 kategori; sinjalistikë, tabela informuese, stacione pushimi, stacione promovuese, stacione panoramike.
Projekti pritet të manifestohet brenda një afati kohor 3 mujor, që nga nënshkrimi i kontratës me subjektin fitues.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.